Concertos de Nadal 2025

Imos celebrar o mes de Nadal coa música coral chea de panxoliñas e villancicos.
Para iso o Coro sénior do campus de Vigo  organiza e programa tres concertos que celebraremos en Bouzas, no barrio vello vigués e Torrecedeirta. Ademais estaremos acompañados por coros amigos cos que xa temos compartido tardes de música.

As datas, lugares e participantes serán as seguintes:  

• Sábado, 13 de decembro, ás 19.30 horas, na igrexa de San Miguel de Bouzas, cantarán Donas canticum e o Coro sénior
• Xoves, 18 de decembro, ás 20.00 horas, no salón de actos da Escola de Enxeñaría Industrial (Peritos),  concerto do Coro da ESAD (Escola Superior de Arte Dramática de Galicia) e o Coro sénior.
•  Venres, 19 de decembro, ás 19.00 horas na Colexiata de Santa María (Concatedral), cantaremos a misa e a continuación un concerto de panxoliñas a cargo do Coro sénior.

 

 

Iº Encontro de coros universitarios sénior de Galicia

 O vindeiro sábado, 15 de novembro, no Salón de actos do campus de Ferrol da Universidade de A Coruña, organizado polo Coro da Asociación de Alumnos e exalumnos sénior do campus de Ferrol, celebrarase o  Iº Encontro de coros universitarios sénior de Galicia e coa participación dos seguintes por orde de intervención:

• Coro Ayadeus de A Coruña
• Coro sénior do campus de Vigo 
• Coro Lucus Terra de Lugo
• Coro Clarín da Universidad de Oviedo (convidado)
• Coro da Asociación de Alumnos e exalumnos sénior do campus de Ferrol

O concerto, coa intervención dos coros participantes comezará ás 17:00 horas, para favorecer o desprazamento e posterior regreso as cidades de orixe das e dos coristas.

O Coro sénior interpretará  

• Locus iste (Anton Bruckner) 
• Cançao do mar (Federico de Brito, Ferrer Trinidade, Harmonizado por Ramiro Lopes)
• Esta terra (Francisco Pino, Javier Busto) 
• Lela (Alfonso D. Rguez Castelao, Rosendo Mato Hermida, Xosé Carlos Seráns)

Harmonía Transfronteiriza: A Música Coral como Ponte Cognitiva e Vencemento da Fenda Interxeracional

Andrés Vázquez Piñeiro

Médico Xerontólogo Clínico

 

​A música ten un poder universal: o de conectar. Cando se utiliza como ponte en programas interxeracionais, o seu impacto multiplícase, creando un espazo de enriquecemento mutuo que beneficia a todas as idades e culturas. Estes encontros son a proba de que a colaboración artística é o mellor remedio contra a sensación de distancia entre xeracións.
​Un exemplo recente e tanxible desta sinerxía tivo lugar onte en Braga, Portugal, onde o Coro sénior do campus de Vigo e o Coro Académico da Universidade do Minho uniron as súas voces. Este encontro non foi só un concerto; foi un acto de "irmandamento" transfronteirizo que demostrou como a música coral pode transcender as fronteiras xeográficas e, máis importante, rachar a gran fenda interxeracional que a miúdo se debuxa entre os bunmers e os milennials.

​O Agasallo Intelectual da Música Coral
​A participación activa na música coral ofrece beneficios que van moito máis alá do simple entretemento social, impactando directamente na saúde cognitiva de ambas xeracións. A práctica coral esixe a coordinación de múltiples habilidades: lectura rítmica, memorización de letras e partituras, afinación vocal e sincronización grupal.
​Para as persoas maiores, como as que integran o coro da UVigo, esta ximnasia mental é inestimable. A memorización activa e a necesidade de concentrarse na técnica vocal son potentes estimulantes cerebrais que axudan a manter a plasticidade neuronal, atrasando potencialmente a deterioración cognitiva e mellorando significativamente a memoria de traballo. Participar nun coro tamén aumenta ou seu sentido de pertenza e propósito, combatendo ou illamento.
​Pola súa banda, os xoves do Coro Académico da Universidade do Miño non só desenvolven habilidades sociais clave como a paciencia e ou respecto ao interactuar cos seus compañeiros maiores, senón que tamén experimentan unha mellora nas súas funcións executivas. O adestramento musical intensivo fomenta a disciplina, a multitarefa e a concentración, habilidades transferibles e cruciais para ou seu desenvolvemento académico e profesional. A música convértese así nunha linguaxe común que permite un intercambio cultural e cognitivo xenuíno.
​En esencia, este encontro en Braga subliña que a mellor melodía é aquela que se crea entre distintas xeracións. Fomentar estes espazos de colaboración é clave para unha sociedade máis cohesionada e empática, recoñecendo o valor inmenso da experiencia e a enerxía de todas as idades.

 

Vozes do Mar de Vigo

O Coro Académico da Universidade do Minho recibiranos en Braga para celebrar un concerto conxunto na igrexa da Santa Cruz, o venres (sexta-feira), 24 de outubro, ás 21.00 horas que na nosa honra deron en chamar "Voces do Mar de Vigo". 

O concerto, forma parte da viaxe cultural que o Coro sénior do campus de Vigo, realiza ás cidades de Braga e Guimarães nos días 24 e 25 do mes que andamos.

Estamos moi agradecidos polas atencións e facilidades que dende o primeiro momento nos está dando a dirección do CAUM para celebrarmos este irmanamento coral.
O CAUM, está dirixido na actulidade polo Maestro César Freitas, e dende o seu nacemento, no 1989, ten sido merecedor de premios, galardóns e do aplauso nos máis de seiscentos concerto celebrados en Portugal e fora do país.

No repertorio que interpretaremos haberá música sacra, música contemporánea, cancións populares galegas e tamén algunha portuguesa. Estas son as pezas que estamos preparando:

• Locus iste (Anton Bruckner) 
• Popule meus (Tomás Luis de Victoria)
• Lascia ch'io pianga (George Frideric Handel)
• Cantata 147: Jesus bleibet meine Freude (Johann Sebastian Bach)
• Cançao do mar (Federico de Brito, Ferrer Trinidade, Harmonizado por Ramiro Lopes)
• Esta terra (Francisco Pino, Javier Busto)
• María Soliña (Celso Emilio Ferreiro, Antonio Paz Valverde)
• Lela (Alfonso D. Rguez Castelao, Rosendo Mato Hermida, Xosé Carlos Seráns) 

Acto de Apertura de curso do Programa Universitario de Maiores 2025-2026

 O Coro sénior do campus de Vigo participará no Acto de Apertura de curso do Programa Universitario de Maiores (PUM) que se celebrará o xoves, 9 de outubro, ás 19:30 horas no salón de actos da Escola de Enxeñaría Industrial, na rúa Torrecedeira.

O acto estará presidido por D. Fernando Cerdeira Pérez, director do Centro de Posgrao e Formación Permanente e Dª Carmen Mª Abreu Fernández, coordinadora do PUM. Nel intervirán a presidenta da Asociación de Estudiantes "Aulas de Formación Aberta", Chelo Prieto Carrera; un representante do Coro sénior, Cándido Pérez Betanzos; a exdecana da Facultade de Comercio, Consuelo Currás Valle, recentemente xubilada,  e o presidente de FEGAUS, Alejandro Otero Davila.

No acto o Coro sénior interpretará o seguinte repertorio: Cançao do mar (Federico de Brito, Ferrer Trinidade, Harmonizado por Ramiro Lopes), Esta Terra (Francisco Pino, Javier Busto), e rematará co himno universitario Gaudamus Igitur (Anónimo)